Աշոտ Պետրոսյանց

Աշոտ Պետրոսյանց
Ծնվել է	ապրիլի 27 (մայիսի 10), 1910; Մարի, Անդրկասպյան մարզ, Թուրքեստան, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	հուլիսի 13, 1978 (68 տարեկան); Տաշքենդ, Ուզբեկական ԽՍՀ, ԽՍՀՄ
Գերեզման	Չիգատոյի գերեզմանոց
Մասնագիտություն	կոմպոզիտոր, երաժշտագետ, դիրիժոր և երաժշտության դասախոս
Աշխատավայր	Ուզբեկստանի պետական կոնսերվատորիա
Կրթություն	Ուզբեկստանի պետական կոնսերվատորիա (1954)
Պարգևներ	; և Ուզբեկական ԽՍՀ արվեստի վաստակավոր գործիչ

Աշոտ Հովհաննեսի Պետրոսյանց (ապրիլի 27 (մայիսի 10), 1910^[1], Մարի, Անդրկասպյան մարզ, Թուրքեստան, Ռուսական կայսրություն^[1] - հուլիսի 13, 1978(1978-07-13)^[1], Տաշքենդ, Ուզբեկական ԽՍՀ, ԽՍՀՄ^[1]), հայ կոմպոզիտոր, երաժշտագետ, դիրիժոր։ Ուզբեկական ԽՍՀ արվեստի վաստակավոր գործիչ (1950)։ Պրոֆեսոր (1970)։

Կենսագրություն

Աշոտ Պետրոսյանցը ծնվել է 1910 թվականին Թուրքմենստանի Մարի քաղաքում։ 1954 թվականին ավարտել է Տաշքենդի կոնսերվատորիան։ 1943 թվականին Տաշքենդի կոնսերվատորիայում հիմնել է ժողովրդական գործիքների հատուկ փորձարարական լաբորատորիա (ղեկավար՝ մինչև 1958 թվական), հավաքել արևելյան նվագարանների հարուստ հավաքածու, 1948 թվականին կազմակերպել ժողովրդական գործիքների ֆակուլտետ, 1949 թվականին՝ ամբիոն։ 1936-1949 թվականներին ղեկավարել է Համզայի անվան երաժշտական ուսումնարանի ժողովրդական գործիքների բաժինը, հիմնադրել նոտայով ուսուցում։ Եղել է Ուզբեկստանի ֆիլհարմոնիայի ժողովրդական գործիքների առաջին արհեստավարժ նվագախմբի կազմակերպիչներից, 1938-1941 թվականներին՝ գեղարավեստկան ղեկավար, 1943-1958 թվականներին՝ գլխավոր դիրիժոր։ Փոխադրել, գործիքավորել է հարյուրից ավելի երկեր։ 1935 թվականից վերակառուցել և կատարելագործել է միջինասիական ժողովրդական նվագարաններ, ստեղծել դրանց նոր տարատեսակներ (78 գործիք) և դրանց ընտանիքները, որով էլ միջինասիական գործքային երաժշտության մեջ ներդրվել է բազմաձայնություն^[2]։

Պարգևներ

Ուզբեկական ԽՍՀ արվեստի վաստակավոր գործիչ, 1950
ԽՍՀՄ պետական մրցանակ, 1951

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 Հայկական սովետական հանրագիտարան, հատոր 9 (հայ.) — հատոր 9. — էջ 265.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 265)։

[_bfaf58bbd3238063-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 Հայկական սովետական հանրագիտարան, հատոր 9 (հայ.) — հատոր 9. — էջ 265.

[2] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]